6月27日的檢查update

等咗4個星期, 我沈日終於見到e生啦. 見到bb仲係成長緊, 開心到傻咗. 因為呢個星期都無咗扯扯吓的感覺, 好擔心, 星期四仲好傻咁幻想bb出咗事, GeorG見我咁擔心, 就提議我去公司附近看GP睇吓聽唔聽到可可米心跳. 所以星期四臨 lunch 前咪去找 Regal Hotel's Dr. George clinic 睇, 點知個e生話佢哋d普通聽筒未必聽到, 但佢會試吓. 佢事先已聲明兩次聽唔到都唔一定等於BB出事, 因為佢的聽筒唔夠 ultrasound sensitive.

阿e生好似好認真咁搵咗10分鐘, 佢話聽唔到 . 雖然我明白佢"聽唔到都唔一定等於BB出事". 我知道佢聽唔到唔多唔少都好驚, 出咗 clinic 後, 打比 GeorG, 佢再 conference 打咗去我個婦科e生, 我同姑娘講個 story, 差d喊咗出來, 姑娘安撫我, 佢話無流血應該無事, 叫我快d返屋企瞓覺. (咁啱e生星期四下午有手術唔可以早一日見我)...不過我仲要返工, 所以只係同老闆講星期五成日都唔返, 安心在家等去做產檢. 沈日在 clinic 一輪到我, 我就第一時間叫e生咩嘢都唔好講住, 照咗u/s先 :p

bb已經15星期2日大, 個心仲係跳得好快又大聲, e生話個胎好穩定, 叫我唔駛擔心. 佢仲由沈日開始用dvd幫我record所有checking 的畫面 (姑娘話通常20weeks 先開始錄ga, yeah). GeorG 都有用digital camera record 低．因為e生隻DVD唔可以睇住 ~.~" 我沈晚回到家都睇咗GeorG 拍的 clips２次.

至於 boy or girl.....沈日阿ｂ一路都交叉腳遮住佢個重要部位唔比我哋睇男定女，但我好心急想知，因為下個星期五我哋會去大阪５天遊 (hehee...終於成功ｌｕｒｅ老公同我响生之前去一個旅行）好想買ｄ BB products 回來，ｅ生勁好，叫我出去 check 小便再回來照多一次 (雖然出面超多人).
不過阿ｂ第二次照都仲係唔多合作, 仲係交叉腳，好似好保護自己，點都唔肯比我哋睇. 最後ｅ生唯有出絕招，由下面照(由bb pat pat位度照上去), 雖然我就辛苦ｄ，但最後小ｂ不得不就犯，ｅ生好認真睇咗一輪後話應該係女呀, 因為腳仔中間無嘢突出來 :p

下次４個星期後再見ｅ生就做結構 checking la, 應該會再肯定小b個 sex. 係仔定女都好啦, 不過係女就肯定多個人陪我玩 Hello Kitty....haahaa....希望ｂｂ快ｄ踢吓我，等我唔好自己嚇自己啦...終於明白媽媽懷胎１０月的時間都好多無形的擔憂, heehee...

Checking today

I m now at home...will do the prenatal checking this afternoon, dont know if Cocopops is cooperative enough to show us whether it's SHE or HE ler? heehee...really looking forward to it, havent meet Cocopops on screen for 4 weeks la!

有事宣佈 : 今天是一個大日子呀!!

各位有追開我個 blog 的朋友仔可能都留意到我有一段長時間無 update 個 blog, 係呢兩日先開始追番d back-dated posts. 點解呢?
大家又記唔記得我在4月 27日有一個 post on “1.12cm 你會想到什麼?”, 究竟可可米我是指咩呢?
咁究竟今天是什麼一個大日子呀?

今天我們在這裡高興地和大家宣佈, 我們將迎接生命的另一個階段, 因為有一個小生命已在我的肚內成長了 100 天了!! 就讓我為你們介紹我們的小B : 可可米.

故事的開始是在4月第二個星期, 我發覺自己的肚皮脹脹的, 按下去又硬硬地, 有點不尋常. 過了一個星期, 情況沒改變, 開始擔心起來, 因為身邊實在有太多朋友在30+歲發現生瘤, 不知道自己是否也“中招”, 所以我就去了看 GP. 醫生診斷後認為有3個可能 (其中可能是生瘤), 最後提議我去找婦科做超聲波檢查. 4月18日的下午, 就約了 Dr. Ng 做 checking. 因為GeorG 怕我一個人面對 the result, 所以陪了我一起去診所.

超聲波檢驗結果發現我不是生瘤, 已是身體裡製造了一個小生命!! 那是我們都意料不到的結果!! 不過我的反應是驚嚇, 而 GeorG 的反應是開心. 當時 Dr. Ng 跟我們說小B有 1.12cm 長, 一齊正常, 不是宮外孕, 預產期是12月17日. 仲叫我哋快d book 醫院, 因為好 full. 我當時腦內一片空白, 好像失了方向, 只 follow Dr. Ng and nurses’ instructions and reserve the hospital. 離開診所, 我的情緒開始波動, 因為意識到前面的路將會有大變化! 而我也害怕接受不是我計劃之內的事情.

不經不覺可可米已在我的肚子100日了, 我亦已做了3次產檢同完成了 OSCAR test. 慶幸一切正常. 而我也慢慢開始接受了有了 BB 這個事實. 也享受着 GeorG 的照顧.
雖然我沒有像一般的大肚婆有嘔肚, 作嘔的問題, 不過我就成日都好想睡覺休息, 胃口也不大好, 尤其是晚上. 做什麼事也提不起勁. 所以請體諒我那麼久也不 update 個 blog.

下個星期五又是產檢了, 又可以見到可可米, 不知道今次佢會不會又跟我們揮手, 又表演啜手指給我們看呢? 不知道 Dr. Ng 會見到可可米是男孩子還是女孩子呢?

希望你們也能分享我們的喜悅卻緊張的心情 ^o^

後記 : 朋友仔問會唔會食飯慶祝? 沈晚同媽咪講起, 佢提議我哋去"Mc當當"食個兒童餐, 留番份兒童禮物比可可米做紀念. 同 GeorG 相量後都覺得個 idea 唔錯 (雖然"Mc當當"d食物唔健康...哈哈)

Mammy Daddy 的老地方 - Czarina

同 GeorG 睇完戲, 食完 lunch, 繼續行咗一陣 Elements 就去阿妹屋企, 因為阿妹同妹夫的結婚相已晒好! 仲有今日係Mammy Daddy的 wedding anniversary...their 34th Wedding Anniversary...wow! 阿妹都特別親手整咗個 mango mousse cake 賀佢哋 (相中左上角).

因為 GeorG 晚上要去飲 wedding banquet, 所以我就同佢哋一齊 dinner la! 你估吓我哋去邊 dinner? 就係 "Czarina", Czarina 係俄羅斯名, 位處半山, 想當年阿媽同阿爸拍拖都有去過那裡吃西餐据扒 ga, 仲算係高尚的餐廳, 係特別日子先捨得去 ga. 不過 Czarina 而家就平民化了, 也舊了! 不過我哋就見阿爸阿媽好懷緬, 食得好開心. 其實如果30年後我同 GeorG 可以去番拍拖食過的餐廳再 dinner, 都好幸福呀!

Film @ Elements

之前阿妹同妹夫話"What happens in Vegas"好好睇, 好好笑. 所以我就 invite GeorG 陪我去 Elements 睇早場 (5月18日), 因為平呀嘛, 張飛只要 $30, 加 $6 admin charge as buying on-line. 同埋最緊要係 GeorG 未去過 Elements 睇戲! 帶佢威吓 :p

不過去到先發覺唔多人睇, 早知慳番 $12, 入場先買飛啦. 哈哈哈哈.
套戲真係幾好笑, 笑中有淚, Vegas d 景又令我諗起 honeymoon...heehee...
之後去咗戲院對面的 Nahm 食 lunch. I ordered 海南雞飯, GeorG 要了抄貴刁, 兩樣都好好味 ^o^

老公的戰績

4月27日陪咗老公上 office 做埋d手尾, 今日認真地研究吓老公 working desk 上的擺脫, 除了幾本厚"dup dup"的 Listing Rules 外, 仲有好多老公的戰績 - tomb stones. Tomb stones 就係 souvenir give out by the company after it has successfully listed. 我發現形形式式的 tomb stones 都有, 我知 GeorG 好 proud of cumulated so many tomb stones, 見證咗佢好多好多的辛勞, 無數咁多個 OT的晚上, 當然仲有佢老婆, 即係我, e e 哦哦的時候啦 :p

Closer look (left):

Closer look (right):

你哋又睇吓有無抽過老公有份做的 IPO...heheee.....

法國私房菜 Le Blanc

對上一次去 Le Blanc 已是2007 年3月25日, GeorG 生日的晚上! 4月26日的晚上我們又大駕光臨..heehee...
因為阿哥出了可觀的 bonus, 所以佢提議請食飯, 地點當然又係我負責.
後來臨食飯前一兩晚, 老爺堅持叫埋 mum and dad to dinner together, 最後老公都出一份, 當係因為考到PC 牌請食飯 lor. 雖然原本沒有這計劃 :p
4月26日的晚上, 我們一行9人去了 Le Blanc 吃私房法國菜. 老爺同奶奶一向對中國菜情有獨鐘, 難得今次接受到新東西 : 法國菜, 仲話味道不錯 tim...真的抹一把汗~.~
我相信淨睇相你哋都知好味啦 ^o^

八月居

4月25日的晚上, GeorG 抗工罷煮, 所以我哋出咗街食, 兩個人緊係去 Maxim's Group Restaurant la! 是晚選了海港城的八月居. 不過因為我要戒口, 所以好多東西也不可以吃...好辛苦先挑到幾款食物 :p 不過食食吓又無胃口, 結果 GeorG 要負責清枱. 左下角的"鬼馬春卷"好好味, 不過因為怕熱氣, 我只吃了一條 >.<>.<"

我阿媽仲充滿童真 ga!

4月13日的晚上, 我哋一家人去了迎囍 dinner, 很久沒有跟 GeorG 合照, 這張算不錯:

你知道湯匙上的怪獸是什麼? 我阿媽好鬼c無聊, 突然偷了 daddy 的芝麻糊加落佢自己的杏仁露上, 然後好自豪咁比我哋睇佢 produce 咗好 kawaii 的笑哈哈在湯匙上, 真的充滿童真 ~.~"

笑看風雲變

我哋兩個都好愛現在的家, 除咗住得舒服外, 就係因為我們都很喜歡屋外的景觀. 有時回到家見天色美麗, 就不其然拿相機出來拍下, 最近終於的起心肝 upload camera d 相去電腦, 先發覺自己拍了很多露台景色. 不過有d手太震, out-fo 咗, 唔好意思登出來 :p

27 April 2008:

4th May 2008:
13 May 2008:

11th June: