做媽媽的感覺 (1)

自從21 week 開始, 多了感覺到可可米實實在在的响我個肚內郁. 老實說, 開始的時候感覺好奇妙, 不過有時可可米的 kick kick 都很大力, 雖然未去到令我有痛的感覺, 不過感覺是怪怪的. 熟我的人都知我超級怕動物, 嚴格來說是我很害怕所有有生命的生物除了人類. 所以我知可可米係人類, 不過有時可可米在我肚內濡動就好像有一隻小動物在我肚內, 會令我不其然覺得自己好似好恐怖, 好像把一個生命活生生的吞在肚內 ~.~"

而且每天晚上我睡在床上時, 可可米就特別踢得厲害, 可能是平躺的關係罷.....坦白說, 有時也很 annoying 因為搞到我瞓唔到. 初時側躺是 ok 的, 因為 kick kick 感覺會變得微弱, 不過呢兩日, 呢招已經唔 work lu....我打側瞓都仲 feel 到佢 kick....哈哈哈哈哈哈....呢個時候唯有用個 pillow托一托個肚, 瀉咁d力, 好似舒服d.

見到自己個肚漸漸澎漲, 感覺也不十分妙, 總覺得自己個肚皮很辛苦, 要無端端承受這股 pressure. 而且我發覺行兩個鐘 shopping 條腰就開始累, 很 frustrated 呢, shopping 也變成無心機...woowoo....所以我同 GeorG 講趁現在我還未太"輪盡", 要開始選購bb用品做好準備, 再多兩個月個肚再大d可能行動不便了 >.<
不過每當看見個 BB shopping checklist, 我就不其然很苦惱, 因為好多東西都唔知到時要不要用同埋都唔知買咩牌子好, 不同朋友有不同意見呢.

做新手父母果然不容易呀!