明天照結構啦

不知不覺可可米已經有19週, 根據 BabyCentre 的資料, bb應該已有6吋大, 有個6吋大的可可米在我身體內都好似好怪咁. 雖然我仲無係好 feel 到胎動, 不過好簡唔中都好似隱隱約約但又唔係好肯定咁覺得可可米在踢踢. 我試過問 : "可可米, 係咪你踢媽媽呀.", 跟住又再 feel 唔到 lu. 唔知我要到幾時先開始有強烈d的感覺呢?

終於等到明天覆診的日子, 又可以同可可米見面啦, 今次醫生話會同bb做埋結構 checking, 姑娘話會用 4D 照 ga. 所以我都有些緊張, 唔知會唔會見到bb個樣似我定似老公呢?

之前都有同 GeorG discuss 過 bb 似我定似佢好, 佢就希望bb似我, 因為佢唔想個女似佢唔靚. 不過最近有朋友同我講通常第一胎係女的話會似 daddy 多d. 所以我就做吓調查. 我都係大女, 又真係似 daddy 多d, 我又問過身邊的同事, 佢哋d大女都係似 daddy ga.....oh, 咁點算呢 ~.~" 可可米係 GeorG的餅印但係長頭髮同穿裙仔???!

聽日睇吓係咪好機會同醫生傾吓我應該選順產定開刀先.