可可媽血糖過高?

上一次30 weeks 時去廣華醫院產檢, 見完醫生 (一個 Consultant Grade 的醫生)後, 佢要我出去抽血做檢查 (唔知係咪係人都要呢? Or 因為我高齡 :p)! 點知過了兩日, 廣華的姑娘打電話比可可媽話驗血結果見到血糖超標, 要今日回醫院做糖水測試 ~.~"

可可媽雖然一向都很喜歡吃甜品, 但自從有了可可米後 control 了很多, 很少吃 desserts / cream / cake / chocolate, ice-cream 就更加戒了, 所以都好 suprise 聽到自己血糖超標. 心想一定係那天早上去產檢前怕會肚餓所以吃了個好"勁"的 breakfast (兩塊麥包 with blackberry jam, 一碗奶 with Kellogg's 星星 honey cornflakes)所以出事.

上星期四去私家醫生產檢時同 Dr. Ng 傾過, 佢都 agree 做個 blood test, 不過如果叫佢幫我做就收 $500 lab testing fee, 但返廣華就收 $60, 兩度的 test 都要早一晚開始介口, 所以無分別. 既然係咁, 就慳d返廣華啦 :p

因為怕今日會 fail, 沈晚 dinner 可可爸只比了好少米粉給可可媽吃 (因為 excess carbohydrates will turn into glucose and store in the body), 可可媽只好吃了兩大塊豬扒, 很多菜心苗, 同埋數片魚片 as dinner. 吃完 dinner 看電視到11點就上床 zzzzzzz......一路都無再吃東西 & drink water lu.

原本姑娘叫可可媽8點到醫院抽第一次血, 但可可媽"懶床"唔肯起身, 因為唔準食任何早餐, 所以好快出到門口, 同埋架紅 van 開得好快 ~.~" 所以只係 late for 15 minutes...heehe...遲到仲好, 姑娘輪住逐個抽, 所以好似等了一陣就輪到我. 首先比隻左手姑娘抽血, 可可媽好怕打針同抽血, 因為比怕比針拮, 好痛 >.< 不過最驚嚇都係姑娘見我 wearing a mask 又有兩聲咳, 就話我 "病就應該打返來改期ma, 因住陣間d糖水嘔返晒出來明天又要回來再抽過", 搞到我仲驚 ~.~"

抽完血要即飲一大杯糖水, 我會形容那杯糖水係一個好唔吸引的"漱口"盅裝住一大杯透明但又好鬼甜的水狀物體, 係十級甜, 甜到打冷震的, 都唔知用咩沖出來. 不過可能我口乾, 加上杯糖水係暖的, 所以頭3分一都可以好快飲下, 但之後的3分2, 簡直係拉牛上樹 feel ~.~" 最後我靜靜雞飲淨少少就放返落個紅A牌大桶內, 無人知....heehee...shhhhh.....

因為可可爸今朝陪我去抽血, 但姑娘唔比佢入來產房 (個 blood test room 在產房入口附近), 要佢出面等, 所以可可媽 finish the 糖水後就出去 join 番可可爸啦....等咗 one hour, 身體都仲 OK (except 出了少少冷汗同埋 feel very sleepy), 就落去 ground floor 的 shroff office 比錢 (oh, 原來醫院收八達通). 可可爸問我想唔想出去散散步, 我記得 forum d mammy 話飲完糖水行吓會好d, 既然我無唔舒服, 又有可可爸陪, 所以就出去行一個大圈, 順便買家麵包陣間抽完第二次血即刻可以食. 可能因為仲好早, 所以無咩 traffic, 成個 MongKok 都好靜. 行到10點3上返醫院等抽第二次血, 10點9終於輪到叫我個名, 今次姑娘抽右邊手 ~.~" 可可米, 你睇可可媽左右兩隻手都有棉花同膠布, 為了你傷痕累累 ga...hahaa....!姑娘話如果呢兩至三日收唔到電話就 ok pass, 如果唔 pass, 就要入院 12 hours 食3餐拮6次手指 monitor 住d血糖 changes wor...OMG...希望我唔會收到 phone call then ~.~"