做媽媽的感覺 (3)

唔知係咪呢幾日空氣唔好, 加上天氣又好焗, 媽媽沈日開始唔多舒服, 返工的途中狂打乞嚏, 個鼻又猛流鼻水之後仲塞埋, 搞到無晒心機做嘢. 沈晚頂唔住決定食粒 Piriton 諗住好瞓d. 點知半夜都係比d鼻水塞醒咗, 不得不下床搞搞個鼻去個 wee wee 先再瞓過.

今朝臨起身時小腿仲要抽搐, 當然又要勞煩 GeorG 幫我按摩, 佢猛叫我放鬆, 但舊肉真係抽到好鬼痛點放鬆wor >.< 搞咗數分鐘舊肉終於鬆d點知一放平番隻脚又抽過, 今次痛到我眼淚都流埋, 最後攤咗在床上多15分鐘先起身返工. 有諗過請 sick leave 休息吓, 因為個鼻又唔舒服, 隻腳又隱隱痛, 不過算啦, 都應該捱得住, 唯有慢慢"gut"番公司, 結果今朝都遲咗半個鐘先返到公司 :p

其實呢幾日我小腿抽搐的次數密了很多, 兩三日就抽一次, 但我朝早又唔係行到好累, 所以都唔知點解??希望有網友仔可以話比我聽點樣可以減少小腿抽搐啦, 因為真的好痛呀 >.<