由開心變做激氣

上個星期四, 大家都好留意住打風的消息, 作為打工仔, 緊係好想有一日假啦, 但係我, 今次就唔想個風打得成....點解? 因為我星期四晚會同 Dad, Mum, sis, sis-fu, GeorG 去睇最後一場馬術比賽 lor.

雖然我上個星期四 (即係我 birthday) 已經睇過一次, 不過 birthday night 係 Dressage Event, 比較靜態d, 但 21 號晚係 Jumping Event, more exciting and dynamic. 同埋都好想 Dad and Mum 有個 enjoyable participation in Olympics Event! 我估我哋一世人都無咩好多機會親身去看奧運比賽, 如果因為打風要 cancel, 又或者落大雨要著住雨褸看比賽都好掃興. 同埋可可米同我都唔方便成晚比雨淋住啦. 張飛雖然唔係好貴貴, 但計埋 service charge 都要 $250 一張 ga! 唔去睇好浪費 >.< 除咗因為星期四晚的馬術比賽, 星期五我又約了 prenatal checking, 等咗5個星期, 好想見吓可可米, 照吓4d, 睇吓佢仲係咪咁似可可爸, 如果打風, 就要改期, 不過醒目的我, 下午已經同姑娘 arrange 好, 如果 friday 打風, 我就星期一去做 checking! 所以打風對產檢都未至於好大 impact. 不過另一個最重要的原因我唔想打風係媽咪已安排好星期六中午搬屋!! Daddy 又請了假, GeorG, Sis 同 Sis-fu 都預了幫手, 同埋如果星期六唔搬, 又唔知會改幾時, 到時唔知點算, 雖然有搬屋公司搬, 但都要我哋呢d後生幫吓手睇頭睇尾, 如果唔係 mum and dad 就好辛苦. 睇天文台的路線圖, 個風又勁又好似 impact HK 好耐, 落雨搬屋都唔好啦, 煩c我.

結果上天真的對我很好, 星期四晚馬術如期舉行, 雖然天氣有點焗 (因為無風), 但一路都無下雨, 直到11點多才下了一個 little shower, 不過那時我們也累了, 也 worry 遲些天氣變得更壞, 所以也不等頒獎便早點離開. Mission 1 completed!

星期五, 真的打大風, 仲要係吹到正香港打9 號風, 早上8點多, GeorG 跟我說 "已掛了風球, 不用返工, 安心睡多一陣吧, 我現在落惠康買餸", 結果我就睡到下午一點工才起身. 雖然做不到產檢, 但問題不大, 因為只要等星期一下午又可以見到可可米了. 直至晚上, 雨一直下個不停, 睡時仍是9 號風, 我開始擔心明天的搬屋安排, 整個晚上也睡得不穩. 不時看看外面天氣如何.....到早上9時多, GeorG 起牀跟我說只是3號風球, 可以搬屋啦, 佢要準備返媽咪到幫手, 先煮早餐給我吃才出門.
大約下午, 所有風球已除下, 天氣也出奇地好, 竟然雨停下, 太陽伯伯也出來. 就好像洗乾淨條街給我們搬屋!! 中國人的智慧果然令人讚嘆, 因為通勝話那天是吉日, 宜搬遷!! 勁!!
因為我大住個肚, 所以沒有份幫手, 只可以留守屋企為他們打氣, 看奧運, 上吓 internet, 等到差不多晚上8點他們才接我出去食 dinner.

原本所有事情都好美好...但星期一的產檢卻令我失望 >.<
入去醫生房時, 我同可可爸已經同可可米訓話一輪, 叫她講陣間要合作, 擺個靚 pose 比醫生拍照, 要乖乖. 可惜可可米唔聽話, 今次兩條腿放在頭上, 把整個面面遮上, 有無搞錯, 激c我, 等了咁多個 week, 都唔比我哋見吓個樣, 今次產檢又印不到靚相拿走做 souvenir >.< 產檢的 statistics 話bb所有 measurement 到係 fit size, 即係 size 同預產期一樣 or only 相差一兩日, 但個頭仔就相對比預產期大了一個 week, 雖然都係 within range, 唔同可可米是聰明bb, 所以個腦袋大d, 個頭仔咪大d lor...haahaa....
因為我有d嬲可可米唔合作, 所以完了 checking 後我同可可米講罰佢今晚無 dinner 食, 當然我照食啦, 不過係叫佢自己唔準食 ~.~"
可可米, 唔好話媽咪惡, 下次產檢時一比定要比媽媽看清你的樣子, okay!! 遲些你再大一點裡面太迫, 就更加可能4d也看不清你的樣子 ga la.