問觀音借庫

正月廿六是觀音開庫的日子, 呢兩年阿哥都有去問觀音借庫, 佢話財運不錯....所以今年決定跟阿哥去八卦吓 ^o^
昨晚10點多去到大埔的天后廟(後來先知這個天后廟內有觀音娘娘供奉), 條人龍已很長, 好在阿哥同班 friend 很早已排隊 :p 十一點子時觀音開庫啦, 因為人龍咁長, 所以我哋分批去化寶碟, 只抽起3支香入廟.... , 12點多終於輪到我哋入廟啦, 原來首先要添香油打鼓同敲鐘, 之後要逐一向觀音娘娘上香, 介紹自己同說明來意(當然是借庫啦), 之後再比 $90大洋 (之前買寶碟每份$20) 才可以借庫. 這時我先知借庫的銀碼是自己從一個載滿紅紙的箱抽一張出來, 廟祝再派一支花旗同一個紅膠袋給我, 內有一個印有福字的碗同兩棵生菜. 今年我就要用呢個碗食飯啦, 我用開個 Kitty 碗就用來飲湯 lor!

出來一看, 我抽到壹千萬, GeorG 抽到五千萬, 阿哥班朋友最多那個抽到四億....勁呀!! 每個人見到手上的紅紙都好 happy, 雖然唔知今年的財運是否會很好, 不過這個借庫經驗也很難忘呀!
之後就急急腳回家, 因為GeorG 今日下午要去北京出 trip, 要 pack 行李呀....