GeorG's Annual Dinner (19 Jan 2008)

GeorG 公司的 Annual Dinner 今年仍然响會展舉行, 不過今年就無我份啦, 因為公司又 expand 咗, 多咗人, 所以今年 Manager grade 唔再請埋 spouse 出席, 只有 partners 先可以 bring spouse along......不過唔緊要啦, anyway, 今晚我都要去我婆婆的 birthday dinner, 同埋應承了阿妹下午一齊做義工.

今年佢哋 Annual Dinner 嘅 theme 係 "GLAMOURAMA", 老公話個 ballroom 同埋 table centerpiece 的 decoration 都好 grand, 影低咗d相比我睇: 一如以往, 佢哋的 annual dinner 係食西餐的, 聽佢講, d 食物都幾矝貴, 有 truffles....不過佢話d食物份量不多, 所以唔係好夠飽, 所以之後响 Karaoke 佢哋叫咗好多食物填肚!

今年佢哋 table prize 係每張枱一個 digital photo frame, 不過佢哋張 table 的 redemption badge 唔見咗, 所以話要之後返公司追究 HR......唔知下文 lu.....而 lucky draw 的 grand prize 好勁呀, 係一架 Peugeot 車....compared with our company's grand prize....簡直係"小毛見大毛"...haaa...不過那又如何, 都抽唔中 ~.~"

至於表演嘉賓, 今年係許志安, 佢有個同事話聽聞因為 Annual Dinner 那晚 clash 咗港台的10大中文歌曲頒獎典禮, 所以好多歌星唔得閒, 只可以找無獎拿的來表演 lor.....所以就有許志安, 我其實好想睇 ga, 不過佢開始唱的時候 (10:45p.m.) 我仲响沙田上緊粉麪咋.....食埋美點相輝, 糖水同壽包, 坐車過海佢哋都已散場去到 Causeway Bay's CEO Karaoke la!

今晚响 CEO 發生咗一段小插曲, 遇到差人查牌 & check 身份證, 雖然我哋响正2號房 (G/F), 但等咗好耐都唔 check our room....差人查牌時又無得唱歌, 落咗食物 & drink 的 order 又要 hold 住唔可以拿入來.....我哋唯有玩大話骰 kill time....但輸咗要飲的溝酒綠茶又飲哂未送到, 差 d 渴 c..... or 飲 dry 醉 c....haahaa....

因為佢哋 Annual Dinner 個個女仔都 ball-look and 只帶個小小的 clutch. 除咗我呢個 2-fight-6 有帶 ID card 外, GeorG 的兩個女同事都無帶, 開頭都 worry 比 police check 時會好 trouble....不過 when police check 時, 我哋個個有 ID 都好合作咁"隊"張咭比阿 Sir and Madam check, 仲猛問幾時開番有歌仔唱, 阿 Sir 都唔問無 ID 的兩位同事 lor... 其實阿 Sir 一入來, 都睇到成班人個個 party look (except me), 正正經經咁款, 都知"無料到"啦....haaaahaa....

是晚小妹都好 high, 玩吓"隊酒", 飲咗3杯, 走時都半夜3點9....臨走仲要 GeorG 幫我响我最喜歡的 Merry Go Round 前拍照, 飲完酒, 面紅紅, 幾靚靚呀 ~.~"

zzzz......