阿妹過大禮啦!!

2008年1月27日係一個大好日子, 我同老公一早起牀準備就緒等 Cyrus 過來, 首先駕車去我屋企附近的奇華攞中式結婚喜餅同埋禮盒, 我哋呢d醒目人, 緊係一早就訂定d餅啦, 因為龍鳳!!

之後第2站就係入上水嘅石湖墟.....由於大家都知道接下來的東西將會很重, 所以先吃個 big lunch 補充體力先, 然後先去石湖墟街市選購生果籃, 再拿上個星期訂了的過大禮套裝!

唔知點解, 生果鋪的老闆娘一見到我哋3個就問我哋係唔係要買果籃過大禮?? 我哋什麼也沒有拿著, 實在到依家也百思不得其解為什麼老闆娘咁犀利, 可能我哋3個嗰額頭都刻了個"囍"字, 只是我們沒有察覺啦, 哈哈哈哈哈.....

Anyway, 唔講唔知, 過大禮的果籃一定要有石榴同蘋果, 意頭嚟ga! 雖然個果籃 very expensive, 但d生果全部大大個, 好新鮮, 老闆娘又好比心機 stick 了好多"囍"字落d生果度, 砌到個果籃靚一靚, 做水魚都服氣d (我代 Cyrus 講....heehee...as it is not paid by me :p).

(題外話 : 你哋一定好奇問點解我哋會山長水遠去上水買過大禮的東西, 因為想當年我同 GeorG 過大禮的事宜基本上係我老爺一手包辦, 所有東西都妥妥當當, 又好靚靚, 特別係那一對金椰子, 你知啦, 對金椰子响過大禮籃子內佔很重要的地位 ga ma! 我哋對椰子擺擺吓仲會發芽的, 老人家不知幾高興, 好兆頭!! 所以Cyrus 同阿妹結婚, 過大禮的事宜我阿媽緊係向老爺求救啦, 我哋都係到今時今日先知想當年過大禮的東西是老爺專誠在上水買 ga!)

好啦, 搞好果籃, 就到隔離巷的鋪頭拿"過大禮"籃子兩大籃! 應該話係好 super 大籃....我哋一見到老闆娘 (又係女人做老闆....heehee....), 老闆娘已指住那兩大籃子問我哋對椰子係咪好大又好靚, 佢同我哋講佢很用心挑選兩個最頂呱呱的椰子留給我們, 貨真價實, 絕不花假.....老實講, 對椰子大到實在嚇了我們一跳, 比起我們 2005 年那對確實更大更體面! 實在很多謝老闆娘對我兩姊妹的優待同祝福 ^o^

在舖頭拍了一些照, 多謝咗老闆娘一輪後, 我哋就要驅車去屋企啦!!

對金椰子是否很大又很靚呢:一入門口 Mum and Dad 見到咁大陣仗的迎親禮品都很高興, of course they were suprised by the big golden coconut a lot too!! 屋企又一次瀰漫住辦喜事的氣氛....好開心呀!開心了一個下午, 我哋兩公婆晚上就坐 Cyrus 的順風車出 CWB (因為佢哋同d parents 約咗 Shangri-la 今晚試菜....), 我哋先去保良局比帶d日本手信比我哋的小朋友, 之後就 do some shopping and dinner....今晚我哋試咗一間新餐廳 : 千秋樂, 都唔錯啦 ^o^隨相附送兩張新年佈景照...heehee....